CHANJO YA SARATANI KUTOLEWA KWA WAKAAZI WA POKOT MAGHARIBI

KATIKA HATUA ZA KUDHIBITI SARATANI YA MLANGO WA UZAZI KAMPENI YA CHANJO YA HPV INATARAJIWA KUTOLEWA KWA WAKAZI WA KAUNTI YA POKOT MAGHARIBI.

AKIZUNGUMZA BAADA YA KUWAPOKEA WAKE WA MAGAVANA WAKIONGOZWA NA ALAMITU JATTANI WA MARSABIT, GAVANA WA KAUNTI YA POKOT MAGHARIBI SIMON KACHAPIN AMEELEZA KUJITOLEA KWA SERIKALI YAKE KATIKA KUTETEA JUHUDI ZINAZOWALINDA WASICHANA NA WANAWAKE, AKITOA WITO WA USHIRIKIANO KATIKA KAMPENI HII – KUHAMASISHA, KUKABILIANA NA HABARI POTOVU NA VILEVILE KUOKOA MAISHA.

KADHALIKA GAVANA KACHAPIN AMESEMA CHANJO YA HPV NI MUHIMU KATIKA MAPAMBANO DHIDI YA UGONJWA WA SARATANI YA MLANGO WA UZAZI, AMBAO UNASALIA KUWA TISHIO KUBWA KWA AFYA YA WANAWAKE KATIKA TAIFA HILI, INAYOATHIRI FAMILIA NA JAMII NYINGI.