Rais William Samoei Ruto, amesema hajawasahau wafanyabiashara wadogo maarufu kama Mama Mboga, akitetea ahadi alizotoa wakati wa kampeni za uchaguzi.

Rais Ruto amesema serikali yake imeendelea kutekeleza mipango mbalimbali ya kuwawezesha wafanyabiashara wadogo kupitia upatikanaji wa mikopo nafuu, kuboresha mazingira ya biashara, na kuimarisha fursa za kiuchumi.

Rais amesisitiza kuwa juhudi hizo ni sehemu ya azma ya serikali ya kuinua uchumi wa mwananchi wa kawaida na kuhakikisha wafanyabiashara wadogo wanapata mazingira bora ya kuendesha shughuli zao.