Rais wa chama cha wafanyibiashara na viwanda    Erick Rutto, amesema sekta ya biashara nchini   inaunga mkono   dira ya baada ya ruwaza ya mwaka wa 2030, akieleza kuwa mpango huo unatoa matumaini mapya kuhusu mwelekeo wa uchumi wa nchi.

Rutto   amesisitiza kuwa wafanyabiashara wana hamu ya kuona malengo ya maendeleo ya kenya yakitekelezwa kwa kasi ili wananchi waanze kunufaika na matokeo ya juhudi zao mapema.

Akitoa hoja yake   katika mazungumzo kuhusu ajenda ya kitaifa ya maendeleo baada ya vision 2030, dkt. Rutto ameitaka serikali, sekta binafsi na wadau wengine kufanya kazi kwa pamoja katika kuandaa na kutekeleza dira hiyo.

Aidha  amesisitiza umuhimu wa mfumo unaoongozwa na wananchi na unaowashirikisha wadau mbalimbali katika kuharakisha maendeleo ya kiuchumi.
‎
‎